भिडियो प्रतियोगिता बारे जानकारी

|
गैरआवासीय नेपाली संघले नेपाल पर्यटन प्रबद्र्धन उपसमितिको पहलमा आज सचिवालयको हलमा नेपाल पर्यटन प्रबर्द्धनका लागि एक भिडियो प्रतियोगिता आयोजना गर्न लागेको बारे संचारकर्मीहरुलाई जानकारी गरायो । यस बारे संघका सहकोषाध्यक्ष तथा नेपाल पर्यटन प्रबर्द्धन उपसमितिका संयोजक सोम नाथ सापकोटाले नेपालको पर्यटन क्षेत्रको सम्भावना तथा पर्यटकीय वस्तु र सेवालाई विश्वसामु पहिचान गराउनको लागि पर्यटन सम्बन्धी भिडियो प्रतियोगिताको आयोजना भईरहेको र सो प्रतियोगिताका विजेताहरुको घोषणा आगामी लग्जेम्वर्गमा आयोजना हुने ११औं युरोप क्षेत्रीय बैठकमा गरिने जानकारी गराउनु भयो । उक्त अन्तरक्रियामा वितरिण गरिएको प्रेस नोट यसै साथ संलग्न छ ।